BR LA UNION – Naka-alerto iti Municipal Disaster Risk Reduction Management Office ( MDRRMO) iti anyaman a posible nga epekto ti Bagyo Crising idiay ili ti Caba La Union.
Iti pannakiuman ti Bombo Radyo La Union kenni Lemuel L. Sudiacal, agdama a Local Disaster Risk Reduction and Management Officer III ti Caba, La Union kinunana nga uray saan a direkta a tumama iti bagyo Crising ket nakasagana da latta agraman iti naduma-duma pay nga opisina kas iti Coast Guard- Substation, Bureau of Fire Protection, Philippine National Police, ken barangay officials tapno tumulong iti anyaman a pasamak kadagiti posible a biktima ti Bagyong Crising ditoy probinsya.
Nadakamat na pay nga adda koordinasyon da kadagiti barangay officials tapnu makapag-responde da a dagus nu adda emerhensiya iti panawen ti kalamidad.
Siniguro na a nakasagana iti amin nga alikamen da nga usaren a pang-rescue, nu adda dagiti umili wenno turista nga agkasapolan ti tulong.
Intay man denggen iti paset ti panagsarita ni Lemuel L. Sudiacal agdama a Local Disaster Risk Reduction and Management Officer III idiay Caba, La Union.
