BR LA UNION – Impakdaar ti Philippine Atmospheric, Geophysical and Astronomical Services Administration (Pagasa) iti posible nga storm surge kadagiti uppat a probinsiya iti Northern Luzon, gaputi epekto ti Tropical Storm Crising.
Nakailanad iti Storm Surge Warning #06 a naiyisyu itay alas 8:00AM, a makapadas ti minimal agingga moderate risk nga storm surge iti sumaganad nga 48 nga oras.
Nabalakadan met dagiti residente nga agnanaed iti igid ti kabaybayan nga agridam ken agannad gaputa posible a mapasamak iti dadackel a dalluyon.
Dagiti probinsiya ken munisipalidad a namnamaen a makapadas ti dadackel a dalluyon wenno storm surge a 1-2 meters ket iti coastal areas ti:
- CAGAYAN – Abulug, Aparri, Baggao, Ballesteros, Buguey, Calayan, Claveria, Gattaran, Gonzaga, Lal-lo, Pamplona, Peñablanca, Sanchez-Mira, Santa Ana, Santa Praxedes, Santa Teresita
- ILOCOS NORTE – Bacarra, Badoc, Bangui, Burgos, Currimao, Laoag City, Pagudpud, Paoay, Pasuquin
- ILOCOS SUR – Cabugao, Caoayan, City of Candon, City of Vigan, Magsingal, Narvacan, San Esteban, San Juan, San Vicente, Santa, Santa Catalina, Santa Cruz, Santa Lucia, Santa Maria, Santiago, Santo Domingo, Sinait, Tagudin
- ISABELA – Dinapigue, Divilacan, Maconacon, Palanan
- BATANES
Ibal-balakad ti state weather bureau a liklikan pay laeng ti tumapog iti kabaybayan wenno agpataaw, kanselaren ti amin a marine activities kas koma iti panagkalap, ken nasken nga ammo ken suruten iti latest update iti bagyo Crising manipud DOST-PAGASA.
