Dumanonen ti uppat a tattao ti pimmusay gapo iti agtultuloy a panagtudo ken panaglayus idiay South Korea.
Nanayunan pay ti dua dagiti immuna a naipadamag a pimmusay, bayat a ti maysa met ket mapukpukaw latta agingga ita.
Dagiti pimmusay ket manipud iti ciudad ti Seosan iti south Chungcheong province bayat a ti mapukpukaw ket maudi a nakita a naiyanod iti maysa a karayan iti makin-abagatan a laud ti Gwangju.
Rinibu a residente met wenno pakabuklan a 5,192 kadagiti tattao manipud 13 a ciudad ken probinsiya ti nalayus iti nabakwiten.
Kabayatanna, dinadael met ti tuloy-tuloy a panagtudo ken panaglayus dagiti 496 a public properties kasta met dagiti 276 a pribado a sanikua. Natantan pay iti ferry service kadagiti sumagmamano a lugar gapo iti didigra.
Gapo iti daitoy ket impangaton ti South Korea ti disaster alert iti kangatoan a lebel wenno “serious,” nu kasta ket masungbatan ti lumawlawa pay a perdisyon nga inggubuay dagiti agtutltuloy a panagtudo.
Ti panagtudo iti nasao a pagilian ket katupag ti 114.9 mm wenno 4.5 inches ti las-ud laeng iti maysa nga oras ken daitoyen iti kangatoan a nailista da manipud iti tawen 1968.
